სტუდენტი საკრებულოს დეპუტატებს: თქვენი კამათი ჩვენს თვალში ცუდი საყურებელია

ზუგდიდის საკრებულოს სხდომაზე ერთ-ერთმა სტუდენტმა ჭაბუკა ჯიქიამ საკრებულოს დეპუტატებს მიმართა და მოუწოდა, ხმამაღალი კამათისგან თავი შეიკავონ. მან სხდომაზე თქვა, რომ დეპუტატების კამათისგან ახალგაზრდები შეწუხდნენ. „პირად კონფლიქტში გადასული და თემას აცდენილი დიალოგები ძალიან ცუდად აისახება, როცა ახალგაზრდა გვერდიდან უყურებს. როცა ამას ნახავენ, არცერთს არ მოუნდება აქ დასაქმება თუ სტაჟირების გავლა“, - თქვა ჯიქიამ. აღნიშნულზე ენმ-ის წევრმა ანა წითლიძემ მას უპასუხა, რომ სწორედ კამათში იბადება ჭეშმარიტება და ისინი პირად საკითხზე არ კამათობდნენ. რეპლიკა სხდომაზე თავმჯდომარის მოადგილის თაზო ფაცაციასა და ოპოზიციონერ დეპუტატებს შორის მწვავე დაპირისპირებას მოჰყვა. თაზო ფაცაციამ იკითხა, რატომ არ ფუნქციონირებს კინოთეატრი ზუგდიდში, რაზეც ბათლომე შელიამ და ანა წითლიძემ უპასუხეს, რომ კარგი იქნებოდა, საკითხის შესწავლა ყველა მიმართულებით, მათ შორის, მიმდებარე ტერიტორიის გასხვისების შესახებაც დაეწყოთ. რადიო "ათინათი" Website: http://radioatinati.ge/ Facebook:   / rado.atinati   Google+: https://plus.google.com/u/1/ Twitter:   / atinati1059   Instagram:   / radioatinati1059fm