„ნაციონალურმა მოძრაობამ“ სტატუსშეჩერებული სტუდენტების სტატისტიკა გამოაქვეყნა
10/13/2014
ტელეკომპანია თანამგზავრი-ის
მიერ
„ნაციონალურმა მოძრაობამ“ სტატუსშეჩერებული სტუდენტების 2012-2014 წლების სტატისტიკა გამოაქვეყნა. აღნიშნული მონაცემების მიხედვით, საქართველოში სტატუსშეჩერებული სტუდენტების რაოდენობა ყოველწლიურად იზრდება. პარტიის ცნობით, ბოლო მონაცემებით, სტატუსი 38 000-ზე მეტ სტუდენტს შეუჩერდა. ნაციონალური მოძრაობის თელავის რაიონული ორგანიზაციის თავმჯდომარის განცხადებით, მთავარი პრობლემა მოსახლეობის ეკონომიკური მდგომარეობის გაუარესება და მოქმედი მთავრობის მიერ ბიუჯეტში არსებული თანხების არასწორი გადანაწილებაა. იმის გამო, რომ თელავის მერიის წარმომადგენლები ადგილზე არ დაგვხვდნენ, განცხადებას თელავის თემის საკრებულოს თავმჯდომარის მოადგილე გამოეხმაურა. მერაბ ხიზანიშვილი „ნაციონალური მოძრაობის“ მიერ გაკეთებულ ინფორმაციას უარყოფს და მოქმედი მთავრობის მიერ სოციალური ფონის გასაუმჯობესებლად განხორციელებულ პროექტებზე საუბრობს.
ვებ-გვერდზე გადასვლა:
http://bit.ly/1saOnUx
ვებ-გვერდზე გადასვლა:
http://bit.ly/1saOnUx
