სამი ახალი ვარსკვლავი „ვარსკვლავების ხეივანში

პირველი არხის ტრადიცია გრძელდება - მთაწმინდაზე კიდევ სამი ლეგენდარული წამყვანის ვარსკვლავი გაჩნდა. თინა მგალობლიშვილი, ირინა მათიაშვილი, ირმა გურიელი, - მთაწმინდის ანძასთან, ანუ ძველი ტელეხედვის სტუდიასთან, სადაც 1956 წელს საქართველოს პირველი ტელევიზიის ისტორია დაიწყო, ცნობილ ტელესახეებს ვარსკვლავები გაუხსნეს. სამივე მათგანს რადიოსა და ტელევიზიაში გატარებული ათეულობით წელი აერთიანებს. მიჰყავდათ საინფორმაციო გამოშვება „მოამბე“, სხვადასხვა შემეცნებითი გადაცემა, მონაწილეობდნენ ტელე-რადიო სპექტაკლებში და პარალელურად დაკავებულები იყვნენ სხვა სფეროებში შემოქმედებითი საქმიანობით: იღებდნენ ფილმებს, წერდნენ ლექსებს და ახმოვანებდნენ მაყურებლისთვის საყვარელ კინოგმირებს. საქართველოს პირველი არხის პირველი თაობის წარმომადგენლებმა პოპულარობა და საყოველთაო აღიარება ეკრანზე გამოჩენისთანავე მოიპოვეს. ირმა გურიელს ხელოვნების დამსახურებული მოღვაწის წოდება აქვს, ირინა მათიაშვილი ღირსების ორდენით არის დაჯილდოებული, თინა მგალობლიშვილი კი „სამი მიკროფონის“ დედოფლად არის აღიარებული.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.