უცხოური: ირინას რომანტიკული უქმეები, კეტი პერის ოცნება, ბრედ პიტი და ნერი ოკსმანი

* სამი წლის შემდეგაც კი, ირინა შეიკი და ბრედლი კუპერი საკუთარ ურთიერთობაზე კომენტარს ჯერ კიდევ არ აკეთებენ, თუმცა მსოფლიო პრესის ყურადღებას ხშირად იქცევენ. გუშინ, მოდელი და მსახიობი ლოს-ანჯელესის აეროპორტში დააფიქსირეს, როდესაც ისინი რომანტიკული უქმეებიდან ბრუნდებოდნენ. შეიკს ცნობიმოყვარე ფოტოგრაფების დანახვა არ გახარებია და ის მზის სათვალეებსა და დიდი ზომის სვიტერში დამალვას ცდილობდა. * 33 წლის ასაკში კეტი პერიმ რამდნეიმე პრესტიჟული მუსიკალური პრემიის მოპოვება, ცნობილ ადამიანებთან დუეტის ჩაწერა და რეალითი-შოუ American Idol-ის საპატიო ჟიურის წევრობა მოასწრო, თუმცა როგორც ჩანს, ვარსკვლავს კიდეც აქვს ოცნება და ეს ლედი გაგასთან დუეტი აღმოჩნდა. „ბევრ ადამიანს ვცემ პატივს ჩვენი ინდუსტრიიდან, ვარ მადონას უდიდესი თაყვანისმცემელი, თუმცა ვაღიარებ, რომ საოცრად მიყვარს ლედი გაგა. ის უჩვეულოდ ლამაზი, მომხიბვლელი და ჯადოსნური ქალია. ვისურვებდი, რომ ოდესმე სცენაზე მასთან ერთად მეც დავდგე“, – აღიარა პერიმ. * მას შემდეგ, რაც ცნობილი გახდა ბრედ პიტისა და მისი ახალი ინტერესის ობიექტის, ნერი ოკსმანის რომანის შესახებ, მოვლენები წყვილის ცხოვრებაში ელვის სისწრაფით ვითარდება. როგორც გამოცემა Us Weekly წერს, პიტი საყვარელ ქალთან გადავიდა საცხოვრებლად. მანამდე ბრედი არაერთხელ დაუნახავთ ოკსმანის სახლთან საღამოს საათებში, საიდანაც დილით ისინი ერთად გამოსულან. როგორც თვითმხილველები აცხადებენ, ეს არის ძალიან შეყვარებული წყვილი და ისინი ნამდვილად ბედნიერები არიან. ________________________ Official Site - http://www.musicbox.ge/ MyVideo - http://www.myvideo.ge/?user_id=921478 Facebook -   / musicboxgeorgia   Twitter - https://twitter.com/#!/musicboxge #MusicBox #News #სიახლეები