უცხოური: კეიტ უინსლეტმა კოლეგები გააკრიტიკა, ირინა შეიკი და ბრედლი კუპერი, მარკლის ძმის წერილი

* ჰოლივუდის ვარსკვლავმა, კეიტ უინსლეტმა თავისი კოლეგების თამამი ჩაცმულობები გააკრიტიკა. „უხერხულად ვარ, როდესაც ქალები ისე იცვამენ, რომ მათ სხვა ინტერესის გამო უყურებენ“, – განაცხადა „ტიტანიკის“ ვარსკვლავმა Daily Mail-თან ინტერვიუში. მისი თქმით, მის გემოვნებაზე დიდი როლი დედამ ითამაშა. „ის ყოველთვის მეუბნებოდა, რომ „მყვირალა“ ტანსაცმელი არ ჩამეცვა. „ტიტანიკის“ წარმატების შემდეგაც კი, ის მთხოვდა, რომ არ ჩამეცვა ისეთი რამე, რაც ზედმეტ ყურადღებას მიიქცევდა“, – გაიხსენა მსახიობმა. * ირინა შეიკი და ბრედლი კუპერი არ უშვებენ შანსს ხელიდან და თავისუფალ დროს მუდმივად ქალიშვილის, ლეას გარემოცვაში ატარებენ. გასული უქმეები ვარსკვლავებმა საბავშვო მოედანზე გაატარეს. მსახიობი და სუპერმოდელი მუდმივად მის გვერდით იმყოფებოდნენ და თვალს არ აცილებდნენ ლეას. * რაც უფრო ნაკლები დრო რჩება სამეფო ქორწილამდე, მეგან მარკლის ნათესავები ცდილობენ, ამ ფაქტს ხელი მაქსიმალურად შეუშალონ. ქსელში გამოჩნდა წერილი, რომელიც მსახიობის ძმამ, ტომას მარკლ-უმცორსმა პრინც ჰარის მისამართით სამეფო ოჯახის წარმომადგენელს მისწერა: „რაც ნაკლები დრო რჩება ქორწილამდე, მით უფრო ნათელი ხდება, რომ ეს სამეფო ოჯახის ისტორიაში ყველაზე დიდი შეცდომაა. ფაქტია, რომ მეგანი თქვენთვის შესაფერისი ქალი არ არის. ის მეწვრილმანე, პატივმოყვარე და გატანჯულია. მეგანი ისე ცდილობს პრინცესას როლი ითამაშოს, როგორც ეს სიბერისკენ გადასულ საშუალოზე დაბალი დონის მსახიობს შეუძლია“, – წერია წერილში. მისივე თქმით, „ყალბ ზღაპრულ ქორწილს“ ის მალე ინანებს, ხოლო სამეფო ოჯახის წევრებისთვის მარკლი მძიმე შედეგს მოიტანს. ________________________ Official Site - http://www.musicbox.ge/ MyVideo - http://www.myvideo.ge/?user_id=921478 Facebook -   / musicboxgeorgia   Twitter - https://twitter.com/#!/musicboxge #MusicBox #News #სიახლეები