უცხოური: „გრეის ანატომია“გრძელდება, ირინა შეიკის ფოტოსესია, სკარლეტ იოჰანსონი ამღერდა

* ტელეარხმა ABC ამ დღეებში ოფიციალურად დაადასტურა ინფორმაცია იმის შესახებ, რომ სერიალი „გრეის ანატომია“ მე-15 სეზონით ტელეეკრანს დაუბრუნდება. მიუხედვადა ეთერში 14 წლიანი არსებობისა, სერიალი ერთ-ერთი ყველაზე პოპულარული და რეიტინგულია. აღსანიშნავია, რომ ახალ სეზონში დაბრუნდება ჯინა დევისი, რომელმაც პროექტი მე-11 სეზონში დატოვა. * როგორც ჩანს, ირინა შეიკმა საბოლოოდ მაინც გადაწყვიტა, ცხოვრება ბრედლი კუპერს დაუკავშიროს. ამ დღეებში მოდელი ბარსელონაში გამართულ Barcelona Bridal Week-ს ესტუმრა, სადაც Pronovias-ის ერთ-ერთი მოდელი განსაკუთრებით მოეწონა და გამუდმებით მის გვერდით პოზირებდა. სპეციალურად ამ დღისთვის ირინა წითელ ხალჩაზე მუქი ფერის კომბინეზონში გამოცხადდა, თუმცა ყურადღებას მისი ბეჭედი უფრო იქცევდა, რომელიც ზურმუხტის თვლით არის გაფორმებული და რომელიც შეიკის თითზე 2016 წელს გაჩნდა. მაშინ თაყვანისმცემლებმა მიიჩნიეს, რომ მოდელი და მსახიობი მალე დაქორწინებას გეგმავდნენ, თუმცა ამ ფაქტზე ბოლო დრომდე კომენტარი არ გაკეთებულა. * ცნობილია, რომ მსახიობი სკარლეტ იოჰანსონი თავის კარიერას მომღერლობასაც უთავსებს. ცნობილი კინოროლების გარდსა, ვარსკვლავი ორ მუსიკალურ ალბომს ფლობს. პირველი მათგანი „Anywhere I Lay My“ 2008 წელს გამოვიდა, ერთ წელიწადში კი მას მეორე, „Break Up“ მოჰყვა. ეს უკანასკნელი მსახიობმა ინდი-როკერთან, პიტ იორნთან ერთად ჩაწერა. ცხრა წლის შემდეგ კი, იოჰანსონმა კიდევ ერთ დისკზე დაიწყო მუშაობა. ამ დღეებში კი ალბომიდან ერთ-ერთი სიმღერის პრეზენტაცია შედგა. დისკი ხელმისაწვდომი 2018 წლის 1 ივნისიდან იქნება და მასში 5 სიმღერა შევა. ________________________ Official Site - http://www.musicbox.ge/ MyVideo - http://www.myvideo.ge/?user_id=921478 Facebook - https://www.facebook.com/MusicBoxGeorgia Twitter - https://twitter.com/#!/musicboxge #MusicBox #News #სიახლეები