ანალიტიკოსები: პირდაპირი დიალოგი დეოკუპაციისთვის - შესაძლებლობა და სივრცე

ანალიტიკოსი ვაჟა ბერიძე ამბობს, რომ რუსეთთან დიალოგი აუცილებელია და უნდა იწარმოებოდეს, უწინარეს ყოვლისა, საკანონმდებლო და აღმასრულებელი ხელისუფლების ორგანიების ფარგლებში, ხოლო შემდეგ საზოგადოებრივი ორგანიზაციების დონეზე. მისი თქმით, \"ჩვენ გვაქვს კოზირი - ჩვენს აფხაზ და ოს ძმებს ვთავაზობთ ყველაზე მაღალი დონის სუვერენიტეტს, რასაც რუსეთი აძლევს თავის ავტონომიებს.\"

ბრიგადის გენერალი, სამხედრო ექსპერტი და ანალიტიკოსი ამირან სალუქვაძე დარწმუნებულია, რომ დიალოგი უნდა არსებობდეს, მაგრამ შედეგში არ არის დარწმუნებული და ამბობს, რომ თუ რუსეთის მხრიდან არ იქნება საქართველოს წითელი ხაზების აღქმა, ნებისმიერი დიალოგი უშედეგო იქნება..

\"გლობალური კვლევების ცენტრის\" ხელმძღვანელის, პუბლიცისტ ნანა დევდარიანის აზრით, რაკი ჩვენ გვაქვს პრობლემა, ჩვენ უნდა ვიზრუნოთ მის მოგვარებაზე, რადგან სახელმწიფოს ტერიტორიიდან გაყვანილი რუსული ძალები უკან შემოვიდნენ. \"ყოველდღიურ საერთაშორისო ურთიერთობებში არც ერთი სახელმწიფო თავისი ინტერესების გარდა, სხვებისთვის თავს არ იკლავს. ეს {დეოკუპაცია} არის იმდენად მომწიფებული საკითხი, რომ თუ ახლა არ გადაწყდა, ძალიან დიდი ხნით გადავადდება,\" - აცხადებს ნანა დევდარიანი.

ამ თემაზე ვრცელი მასალა იხილეთ ბლოგზე:
https://bondomdzinarashvili.blogspot....