ექსპერტები: პირდაპირი დიალოგი დეოკუპაციისთვის - შესაძლებლობა და სივრცე

საერთაშორისო საკითხთა ექსპერტი გიორგი რუხაძე აცხადებს, რომ საქართველოს დღევანდელი ხელისუფლება მოუმზადებელია პირდაპირი დიალოგისთვის და პრემიერ-მინისტრი იქნება თუ საგარეო საქმეთა მინისტრი, პირისპირ შეხვედრის შემთხვევაში რესურსებში ვაგებთ. "პრემიერ-მინისტრის დონეზე თუ გაიმართება ეს დიალოგი, ეს იმას ნიშნავს, რომ ქვეყნის პირველ პირს სწირავ წარუმატებლობისთვის. როდესაც დიალოგი არის მრავალმხრივი და პარტნიორები არიან ჩართულები, როგორც მხარეები, იქ პასუხისმგებლობაც გადანაწილდება და ისინი ასრულებენ დამაბალანსებლის, მაკონტროლებლის და, ასევე, მოწმის როლს. ასეთ შემთხვევაში პატარა სახელმწიფო იღებს შეწონილ გადაწყვეტილებას და შეცდომის დაშვების ალბათობა ნაკლებია," - ამბობს გიორგი რუხაძე. ექსპერტ ნიკა ჩიტაძის აზრით, მოლაპარაკება, რა თქმა უნდა, კარგია იმ შემთხვევაში, როდესაც ერთ-ერთი მხარე მიდის დათმობაზე, მაგრამ რუსეთი რეალურად არაფერს თმობს. "პირდაპირი დიალოგი აფხაზებთან და ოსებთან შეუძლებელია. ამ ეტაპზე პირდაპირი დიალოგი ნიშნავს ამ ორი მარიონეტული რეჟიმის აღიარებას. ჩვენ რეალურად კონფლიქტი გვაქვს რუსეთთან და არა მარიონეტულ რეჟიმებთან," - აცხადებს ნიკა ჩიტაძე. ამ თემაზე ვრცელი მასალა იხილეთ ბლოგზე: https://bondomdzinarashvili.blogspot....