#3. კუნტუსის ეკლესია და ფსიტის ციხე - #3. Kuntusi Church (პროექტი "საქართველო ჩვენს გარშემო")

#ფსიტიციხე, #კუნტუსი #Kuntusi ვიდეობლოგი #3, საავტორო პროექტი "საქართველო ჩვენს გარშემო". კუნტუსის ეკლესია ერთ-ერთი იმ საოცრებათაგანია, რომელსაც ინახავს თელავის მუნიციპალიტეტის, სოფელ თეთრ-წყლების მიმდებარე ტყით მოცული ტერიტორია, ნაქალაქრად წოდებული. კუნტუსის საყდრის მონახულება ყოველთვის საოცარი ენერგიით და სისუფთავით ავსებს ადამიანს. ჩემს მიერ გადაღებულ და დამონტაჟებულ ვიდეორგოლში კარგად ჩანს, შენობის ერთ-ერთი ფრთის დაბალ შესასვლელში, მარჯვნივ კედელზე დატანილია უძველესი წარწერა (იქნებ ვინმემ სცადოთ მისი გაშიფვრა). გადმოცემით ტაძარი დანგრეულია თემურ-ლენგის მიერ და შემდგომში მისი აღდგენა დაუწყია ალექსანდრე I კახთა მეფეს (ყველაფერი უკვე დეტალურად შეგიძლიათ იხილოთ ვიკიპედიაში). 2014 წელს მე და ჩემი მეგობარი, დიდი ძებნის შემდეგ, ვესტუმრეთ ამ საოცარ სივრცეს. მახსოვს ის დაუვიწყარი განცდები, როდესაც ამ ულამაზესი ტაძრის ახლაც უმშვენერეს ნაშთებს პირველად შევეხე! ამჟამად ტაძარი გაცილებით მოვლილი, დასფუთავებული და მიდამოც მოწესრიგებული მეჩვენა. უფალმა დალოცოს ის ადამიანები, ვინც ამ მადლიან საქმეში მიიღო და დღესაც იღებს მონაწილეობას - მამაოები, მრევლი და ყველა კეთილი ადამიანი! და ბოლოს, საბედნიეროდ, ძალიან ზუსტად მუშაობს გუგლის რუქები. შესაბამისად, ნებისმიერ თქვენგანს ადვილად შეუძლია გაიკვლიოს გზა და მოვიდეს ამ ნამდვილად საოცარი ადგილების მოსანახულებლად! ღმერთი იყოს ჩვენი და ჩვენი ქვეყნის მფარველი! გამოყენებული მუსიკა: ანსამბლი "ბასიანი" ბინდისფერია სოფელი", ილია ზაქაიძე "დაიგვიანეს". #საქართველოჩვენსგარშემო