თვითმმართველი ქალაქებისთვის სტატუსის გაუქმების შესახებ საჯარო განხილვა ზუგდიდში

ზუგდიდის დემოკრატიული ჩართულობის ცენტრში თვითმმართველობის კოდექსში შესატანი ცვლილებების შესახებ მთავრობის გადაწყვეტილებაზე საჯარო განხილვა გაიმართა. შეხვედრის მიზანი მოსახლეობისთვის ამომწურავი ინფორმაციის მიწოდება, თვითმმართველობის წარმომადგენელთა, არასამთავრობო სექტორისა და ადგილობრივი მოსახლეობის აზრის გაგება და პრობლემის გამოსავლის მოძებნა იყო. განხილვას ექსპერტები - ირაკლი მელაშვილი და ლადო სანიკიძე უძღვებოდნენ. მათი თქმით, ზუგდიდისთვის თვითმმართველი ქალაქის სტატუსის გაუქმებით პრიორიტეტებს სწორად ვერ დაგეგმავენ და მომსახურების ხარისხი შემცირდება. „პირველი პრობლემა, რასაც მუნიციპალიტეტების გაერთიანებით მივიღებთ, ეს იქნება პრიორიეტეტების დაგეგმვა. იმის განსაზღვრა, სოფლებში გააკეთონ საქმე თუ ქალაქში ან პირიქით. ვეჭვობ, ქალაქში წამოვა უფრო მეტი საქმე და თანხები, ხოლო სოფელი უყურადღებოდ დარჩება. ასევე შეუმცირდებათ დაფინანსება, ორივეს ჯამში უფრო ნაკლები ფული ექნება, ვიდრე ერთ გაერთიანებულს“, - განაცხადა მელაშვილმა. შეხვედრაზე საკრებულოს წევრმა თაზო ფაცაციამ აღნიშნა, რომ მათ მოცემული სიტუაციიდან სხვა გამოსავალი არ ჰქონდათ და თვითმმართველი ქალაქისა და მუნიციპალიტეტის გაერთიანებას მხარი დაუჭირეს, თუმცა ეს ზუგდიდისთვის ქალაქის სტატუსის გაუქმებას არ ნიშნავს. ოპოზიციური პარტიიებისა და საზოგადოებრივი ორგანიზაციის წევრები კი აღნიშნავენ, რომ ამ გადაწყვეტილებით ზუგდიდს განვითარების შესაძლებლობა წაართვეს. შეხვედრა ადამიანის უფლებათა და სოციალური სამართლიანობის დაცვის ცენტრი პროექტის - “თვითმმართველობების შენარჩუნებისა და გაძლიერების ხელშეწყობა” ფარგლებში და ინტერენეტგამოცემა TSpress.ge-სთან ერთად, ფონდ “ღია საზოგადოება-საქართველოს” მხარდაჭერით განხორციელდა. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/