საინფორმაციო ტური რუსთავისა და გარდაბნის მუნიციპალიტეტებში

12 აპრილს, ქვემო ქართლში სახელმწიფო რწმუნებულის, შოთა რეხვიაშვილის ინიციატივითა და რეგიონის მუნიციპალიტეტების მხარდაჭერით, ტურისტული კომპანიების წარმომადგენლებისთვის რუსთავისა და გარდაბნის მუნიციპალიტეტებში საინფორმაციო ტური გაიმართა. დღის განმავლობაში, მხარისა და ადგილობრივი მუნიციპალიტეტების ხელმძღვანელი პირები და გიდები ქალაქ რუსთავის მუზეუმში იმყოფებოდნენ, დაათვალიერეს კულტურისა და დასვენების პარკში მდებარე ციხესიმაგრე და ქალაქის ტერიტორიაზე არსებული სასტუმროები. საინფორმაციო ტური გარდაბნის მუნიციპალიტეტში გაგრძელდა, რომლის ფარგლებში სტუმრებმა, სოფელ მარტოფში შინჯიკაშვილების საგვარეულო კოშკი, ანტონ მარტყოფელის სახელობის ღვთაების მამათა მონასტერი, შავნაბადას მონასტერი, საქართველოში პრემიუმ კლასის პირველი გოლფ კლუბი, ჯანდარის ტბა და გარდაბნის მუნიციპალიტეტის აღკვეთილი მოინახულეს. ტურისტული კომპანიების წარმომადგენლებს, რეგიონში სახელმწიფო რწმუნებულის მოადგილე კახა კობერიძემ და რუსთავისა და გარდაბნის მუნიციპალიტეტების ხელმძღვანელმა პირებმა უმასპინძლეს. აღსანიშნავია, რომ სახელმწიფო რწმუნებულის ადმინისტრაციის ინიციატივით, მხარეში, ბოლო ერთი თვის განმავლობაში, საინფორმაციო ტური უკვე მესამედ გაიმართა, რომლის მიზანს რეგიონის ტურისტული პოტენციალის პოპულარიზაციის მაქსიმალური ხელშეწყობა წარმოადგენს. #ქვემოქართლი2019 #საინფორმაციოტური2019 #რუსთავი2019 #გარდაბანი2019