საინფორმაციო ტური გუდიაშვილის მოედანზე

გუდიაშვილის მოედანზე და მის მიმდებარე ტერიტორიაზე საქართველოს ახალგაზრდა იურისტთა ასოციაციამ, „ტფილისი ჰამქართან“ ერთად, მოქალაქეებისთვის საინფორმაციო ტური ჩაატარა. ტური ერთგვარი შუალედური ანგარიში იყო თუ როგორ მიმდინარეობს სამუშაოების პროცესი. პროექტის თანახმად, ლადო გუდიაშვილის მოედანსა და მიმდებარე არეალში 30-ზე მეტი ისტორიული შენობის სრული რეაბილიტაცია უახლოეს მომავალში დასრულდება. გუდიაშვილის მოედნის მიმდებარე ტერიტორიაზე ძველი ნაგებობების უმეტესობა კულტურული მემკვიდრეობის ძეგლია და თითქმის ყველა საცხოვრებელი სახლი სპეციალისტებს მძიმე მდგომარეობაში დახვდათ. მე-18 და მე- 19 საუკუნით დათარიღებული შენობების მთავარი პრობლემა დიდი ბზარები, ავარიულობა და ფასადის დაკარგული მნიშვნელოვანი ფრაგმენტები იყო. ისტორიული ნაგებობების სარდაფებში რეაბილიტაციის პერიოდში აღმოჩნდა მნიშვნელოვანი არქეოლოგიური არტეფაქტები. ღვინის  ხუთი ქვევრი, ორი თონე და თიხის ჭურჭელი. მიმდინარე სამუშაოებს მონიტორინგს სწორედ „თბილისის ჰამქარი“ უწევდა. საინფორმაციო ტური გუდიაშვილის სკვერში დაიწყო და ბეთლემის ქუჩაზე დასრულდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.