სასამართლო სხდომა ე.წ. სააფთიაქო ნარკომანიის საქმეზე

ე.წ. სააფთიაქო ნარკომანიის საქმეზე დღეს სასამართლო სხდომა გაიმართება და მხარეები შესავალ სიტყვას წარმოთქვამენ. ამ საქმეზე ბრალდებულებს შორის არის სამედიცინო საქმიანობის სახელმწიფო რეგულირების სააგენტოს ყოფილი უფროსი გია თვალავაძე, რომელიც სექტემბერში დააკავეს, თუმცა მისმა ადვოკატებმა სასამართლოსგან ჯანმრთელობის მდგომარეობის გამო, მისთვის აღკვეთის ღონისძიების შეცვლა მოითხოვეს და თვალავაძე გირაოს სანაცვლოდ გამოუშვეს. გია თვალავაძეს გამოძიება სამსახურებრივი უფლებამოსილების გადამეტებას ედავება. ბრალდების თანახმად, მას ინფორმაცია ჰქონდა, რომ ათეულობით აფთიაქში ფსიქოტროპული მედიკამენტები უკანონოდ იყიდებოდა, თუმცა ამაზე რეაგირება არ მოუხდენია. გია თვალავაძის ადვოკატმა „მოამბესთან“ საუბარში განმარტა, რომ შესავალი სიტყვის გარდა, დაცვის მხარე სასამართლოს რამდენიმე მნიშვნელოვან მტკიცებულებას წარუდგენს, რითიც მისი თქმით, თვალავაძის უდანაშაულობა დამტკიცდება. გია თვალავაძე ბრალს არ აღიარებს და თავს უდანაშაულოდ ცნობს. აღნიშნულ სისხლის სამართლის საქმეზე სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა ჯამში 21 პირი მისცეს პასუხისგებაში, რომელთა მიერ უკანონო სამეწარმეო საქმიანობისა და ფსიქოტროპული საშუალებების ურეცეპტოდ რეალიზაციის შედეგად მიღებულმა შემოსავალმა საერთო ჯამში 4 094 709 ლარი შეადგინა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.