ხურვალეთიდან გატაცებული, შესაძლოა, ხვალ გაათავისუფლონ

სოფელ ხურვალეთიდან გატაცებული მაია ოთინაშვილი შესაძლოა, ხვალ გაათავისუფლონ. უკვე ცნობილია, რომ ოკუპირებულ ცხინვალში ხვალ ე.წ. სასამართლო სხდომა გაიმართება და დე ფაქტო საზღვრის უკანონოდ კვეთის ბრალდებით დაკავებული ოთინაშვილის საქმე განიხილება. 37 წლის ქალი ამ დრომდე ოკუპირებული ცხინვალის დროებითი მოთავსების იზოლატორში იმყოფება. ოჯახს ოკუპირებული ტერიტორიიდან ჯერჯერობით მხოლოდ ის შეატყობინეს, რომ ოთინაშვილი წინასწარი დაკავების დაწესებულებაშია, თუმცა, სხვა დამატებითი ინფორმაცია, მათ შორის არც ე.წ. ჯარიმის გადახდის შესახებ, გატაცებულის ახლობლებისთვის არ მიუწოდებიათ. მაია ოთინაშვილი რუსმა სამხედროებმა გუშინ საკუთარი ბაღიდან გაიტაცეს. მავთულხლართებს მიღმა ის ძალის გამოყენებით გადაიყვანეს. მომხდარის შესახებ ინფორმირებულია ყველა შესაბამისი უწყება, ამოქმედებულია ცხელი ხაზიც. დეტალების გასარკვევად ევროკავშირის მონიტორები ოთინაშვილების ოჯახში იმყოფებოდნენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.