ზუგდიდში აქცია ,,მოხატე უსაფრთხოება'' ჩატარდა (ვიდეო)

20.11.2016 01:44

Radio Atinati

არხი

სამოქალაქო აქტივობისა და თანასწორობის ცენტრის ორგანიზებით, ქვეითთა დღესთან დაკავშირებით, ღონისძიება „მოხატე უსაფრთხოება“ გაიმართა. „გვინდა, რომ მაქსიმალურად მაღალი იყოს მოქალაქეთა თვითშეგნების დონე და ამასთან მძღოლებს ვუთხრათ, მეტი ყურადღება გამოიჩინინონ, როდესაც საქმე ადამიანების უსაფრთხოებას და სიცოცხლეს ეხება“, - აღნიშნა სამოქალაქო აქტივობისა და თანასწორობის ცენტრის თავმჯდომარე ციცინო შენგელიამ. აქტივობის ფარგლებში მოქალაქე აქტივისტმა როსტომ ზარანდიამ ე.წ. ზებრა გადასასვლელი მოხატა. „ყველა მიეჩვია, რომ „ზებრა“ ხაზი არის თეთრი ზოლები შავ ფონზე. ჩვენ მოვიფიქრეთ ასეთი რამ, რომ, რაც შეიძლება, ფერადი გახდეს ზებრა გადასასვლელი, რომ ყურადღება მიაქციონ ქვეითებმაც და მძღოლებმაც“, - თქვა ზარანდიამ. აქციის მიზანია, მოუწოდონ მძღოლებს, დაუთმონ გზა ქვეითებს და დაიცვან უსაფრთხოების წესები. რადიო ,,ათინათი'' Website: http://radioatinati.ge/ Facebook: / rado.atinati. . Google+: https://plus.google.com/u/0/116211701... Twitter: https://twitter.com/

გაზიარება: