MOE: გარემოს დაცვითი ზედამხედველობის დეპარტამენტის თანამშრომელთა შესარჩევი კონკურსი

http://moe.gov.ge/index.php?lang_id=G... გარემოსა და ბუნებრივი რესურსებს დაცვის სამინისტროში სახელმწიფო საქვეუწყებო დაწესებულება - გარემოსდაცვითი ზედამხედველობის დეპარტამენტის თანამშრომელთა შესარჩევი კონკურსი მიმდინარეობს. შეგახსენებთ, რომ მიმდინარე წლის 14 მაისიდან ძალაში შევიდა საკანონმდებლო ცვლილებები, რომელთა შედეგად გარემოსა და ბუნებრივი რესურსების დაცვის სამინისტროს სისტემაში, სხვა სამსახურებთან ერთად, შეიქმნა გარემოსდაცვითი ზედამხედველობის დეპარტამენტი და სსიპ-ები - ეროვნული სატყეო სააგენტო და გარემოსდაცვითი ინფორმაციისა და განათლების ცენტრი. გარემოსდაცვითი ზედამხედველობის დეპარტამენტის თანამშრომელთა შესარჩევი კონკურსი 329 ვაკანტურ ონლაინ-განაცხადი შეავსო, კონკურსში მონაწილეობის 2000-მდე მსურველმა. საკონკურსო კომისიის შემადგენლობაში შედიან გარემოს დაცვის სამინისტროს ცენტრალური აპარატის, აგრეთვე არასამთავრობო და საერთაშორისო ორგანიზაციების წარმომადგენლები. გარემოსდაცვითი ზედამხედველობის დეპარტამენტის თანამშრომელთა შესარჩევი კონკურსის მიმდინარეობას აგრეთვე დაესწრო მინისტრი ხათუნა გოგალაძე. უახლოეს მომავალში ჩატარდება კონკურსი სსიპ ეროვნული სატყეო სააგენტოს თანაშრომელთა შერჩევის მიზნით, ხოლო შემდგომ ეტაპზე გამოცხადდება კონკურსი სამინისტროს ცენტრალური აპარატის ვაკანტურ თანამდებობებზე.