თეოფილემალაქიანობა (ნაწილი 9). კაცი რომელიც ვერავის აზრს ვერ იტანს, გამოიცანით ვინ არის?

ღმერთმა აბრაამს ეგრე უთხრა მე მოვალო და ჯვარზე გავეკვრებიო? თუ უთხრა რომ შენი თესლიდან იკურთხება დედამიწის მკვიდრნიო, და ვინ იყო ეს თესლი, ღმერთი? პავლე წერს გალატელებს: კი მაგრამ, რაღაა რჯული? ის მოცემულ იქნა შეცოდებათა გამო, ვიდრე მოვიდოდა თესლი, ვისთვისაც დაიდო აღთქმა და გადმოცემულ იქნა ანგელოზთა მიერ, შუამავლის ხელით. მაგრამ შუამავალი შეუძლებელია ერთის მიმართ იყოს შუამავალი, ღმერთი კი ერთია (გალ. 3:19_20). ანუ ღმერთი ერთია და ის შეუძლებელია გახდეს შუამავალი, პირდაპირ გიწერია, იმიტომ რომ შუამავალი როცა ხარ ღმერთი ვეღარ იქნები, რადგან კაცის ბუნებას ატარებ და ღმერთი კაცი არაა! პავლე ამბობს: ხოლო ეს აღთქმანი აბრაამს და მის თესლს მიეცა. არ თქმულა: „მის თესლთაც“, როგორც ითქმის მრავალზე, არამედ ერთზე ითქვა („შენს თესლსაც“), რომელიც არის ქრისტე (გალ. 3:16). რა გაგებით შეისხა ხორცი იესომ სულიწმიდისგან თუკი სამება თვითონ იყო? თუ ღმერთი თვითონ იყო გამოდის სამება განკაცდა? ღმერთი როგორ იქნება ღმერთისაგან შობილი თუკი ღმერთი ბუნებით უშობელია? როდესაც იესოზე იძახი ძე ღმერთიაო, ამით მამის დიდებას აკნინებ, ანუ აქედან გამომდინარე არ სცნობ მას როგორც ერთადერთ ჭეშმარიტ ღმერთს. პავლე წერს: მომბაძეთ მე, როგორც მე ვბაძავ ქრისტეს (1 კორ. 11:1), პავლე ქრისტე ხომ არ იყო, აბა როგორ ბაძავდა ქრისტეს თუკი ქრისტე ღმერთია? პავლე ამბობს: თუ შენი ბაგეებით უფლად აღიარებ იესოს და გულით გწამს, რომ ღმერთმა აღადგინა იგი მკვდრეთით, - ცხონდები (რომ. 10:9). ღმერთმა ღმერთი აღადგინა მკვდრეთით თუ უფალი?