ძალადობრივ ექსტრემიზმზე რეაგირების მცდელობების მონიტორინგი და შეფასება

შემეცნებითი ვიდეორგოლი ძალადობრივ ექსტრემიზმზე რეაგირების მცდელობების მონიტორინგის და შეფასების შესახებ. ვიდეორგოლი წარმოადგენს, ძალადობრივ ექსტრემიზმთან გამკლავების სასწავლო პროგრამის მეათე მოდულის შეჯამებას. ეს მოდული შეისწავლის ძალადობრივ ექსტრემიზმზე რეაგირების მცდელობების მონიტორინგსა და შეფასების საფუძვლებს. აგრეთვე ცვლილებების თეორიის, მონიტორინგისა და შეფასების სტრატეგიის შემუშავების მიზნით, განსაზღვრავს მნიშვნელოვან ტერმინებსა და სახელმძღვანელო პრინციპებს. მასში წარმოდგენილია მაგალითები, თუ როგორ შეიძლება მუდმივმა მონიტორინგმა, ცვლილებების ადაპტირების გზით, გააძლიეროს ინიციატივები, უწყვეტი სწავლისა და სიტუაციის მიხედვით. ძალადობრივ ექსტრემიზმთან გამკლავების სასწავლო პროგრამა წარმოადგენს, ამ მიმართულებით, პირველ ქართულენოვან სასწავლო პროგრამას. იგი მომზადდა ორგანიზაციის „Search for Common Ground“ მიერ „Hedayah“-ს ცენტრთან თანამშრომლობითა და ევროკავშირის ფინანსური მხარდაჭერით, პროგრამის „STRIVE Global“ ფარგლებში, ხოლო ქართული რეალობისთვის ადაპტირდა საქართველოს სტრატეგიის და განვითარების ცენტრის (GCSD) მიერ. ვიდეო მომზადდა პროექტის “ძალადობრივი ექსტრემიზმის პრევენცია საქართველოში - საჯარო მოხელეებისა და სამოქალაქო საზოგადოების შესაძლებლობების განვითარება” ფარგლებში, რომელსაც GCSD ჰედაიას ცენტრთან თანამშრომლობით ახორციელებს. “ძალადობრივ ექსტრემიზმთან გამკლავება - კონცეფციების, პროგრამების შექმნისა და მოწინავე პრაქტიკის შესახებ გაცნობითი ხასიათის სახელმძღვანელო” შეგიძლიათ იხილოთ ბმულზე - http://bit.ly/3h5biQR