ძალადობრივი ექსტრემიზმის მამოძრავებელი ფაქტორების გააზრება მათ კონტექსტში

შემეცნებითი ვიდეორგოლი ძალადობრივი ექსტრემიზმის მამოძრავებელი ფაქტორების შესახებ, რომელშიც აღწერილია ძალადობრივი ექსტრემიზმის მიმზიდველი და განმზიდველი ფაქტორები, ჯგუფური დინამიკა და ურთიერთობები. ვიდეორგოლი წარმოადგენს, ძალადობრივ ექსტრემიზმთან გამკლავების სასწავლო პროგრამის მეორე მოდულის შეჯამებას. მოდულში წარმოდგენილია ძალადობრივი ექსტრემიზმის მამოძრავებელი ფაქტორების კონკრეტულ ჭრილში გაანალიზებისა და უკეთ გააზრებისთვის საჭირო პრინციპების კრებული და საორიენტაციო ხასიათის შეკითხვები; მათ შორის მიმზიდველი და განმზიდველი ფაქტორების და აგრეთვე ჯგუფური დინამიკის დასადგენად, რომელიც იწვევს ძალადობრივ ექსტრემიზმს კონკრეტულ გარემოში. ძალადობრივ ექსტრემიზმთან გამკლავების სასწავლო პროგრამა წარმოადგენს, ამ მიმართულებით, პირველ ქართულენოვან სასწავლო პროგრამას. იგი მომზადდა ორგანიზაციის „Search for Common Ground“ მიერ „Hedayah“-ს ცენტრთან თანამშრომლობითა და ევროკავშირის ფინანსური მხარდაჭერით, პროგრამის „STRIVE Global“ ფარგლებში, ხოლო ქართული რეალობისთვის ადაპტირდა საქართველოს სტრატეგიის და განვითარების ცენტრის (GCSD) მიერ. ვიდეო მომზადდა პროექტის “ძალადობრივი ექსტრემიზმის პრევენცია საქართველოში - საჯარო მოხელეებისა და სამოქალაქო საზოგადოების შესაძლებლობების განვითარება” ფარგლებში, რომელსაც GCSD ჰედაიას ცენტრთან თანამშრომლობით ახორციელებს. “ძალადობრივ ექსტრემიზმთან გამკლავება - კონცეფციების, პროგრამების შექმნისა და მოწინავე პრაქტიკის შესახებ გაცნობითი ხასიათის სახელმძღვანელო” შეგიძლიათ იხილოთ ბმულზე - http://bit.ly/3h5biQR