მთავრობასა და სამოქალაქო საზოგადოებას შორის თანამშრომლობის შესაძლებლობები

შემეცნებითი ვიდეორგოლი ძალადობრივ ექსტრემიზმთან გამკლავების პროცესში მთავრობასა და სამოქალაქო საზოგადოებას შორის თანამშრომლობის შესაძლებლობების შესახებ. ვიდეორგოლი წარმოადგენს, ძალადობრივ ექსტრემიზმთან გამკლავების სასწავლო პროგრამის მესამე მოდულის შეჯამებას. მოდული მოიცავს სახელმძღვანელო პრინციპებს სამთავრობო უწყებების და სამოქალაქო საზოგადოების წარმომადგენლების ჩასართავად სახელმწიფოს მხრიდან კიდევ უფრო ეფექტიანი საპასუხო ღონისძიებების შემუშავებისა და მრავალსექტორული მიდგომის დანერგვის პროცესში. იგი ეხება მიზეზებს, რომელთა გამოც თანამშრომლობა შეიძლება საერთოდ არ შედგეს ან ჰქონდეს შეზღუდული ხასიათი. შემდგომში მოდული გვეხმარება იმ სექტორების ან სეგმენტების იდენტიფიცირებაში, რომელთა ფარგლებშიც ამ ტიპის თანამშრომლობა ყველაზე აქტუალურია. ძალადობრივ ესტრემიზმთან გამკლავების სასწავლო პროგრამა წარმოადგენს, ამ მიმართულებით, პირველ ქართულენოვან სასწავლო პროგრამას. იგი მომზადდა ორგანიზაციის „Search for Common Ground“ მიერ „Hedayah“-ს ცენტრთან თანამშრომლობითა და ევროკავშირის ფინანსური მხარდაჭერით, პროგრამის „STRIVE Global“ ფარგლებში, ხოლო ქართული რეალობისთვის ადაპტირდა საქართველოს სტრატეგიის და განვითარების ცენტრის (GCSD) მიერ. ვიდეო მომზადდა პროექტის “ძალადობრივი ექსტრემიზმის პრევენცია საქართველოში - საჯარო მოხელეებისა და სამოქალაქო საზოგადოების შესაძლებლობების განვითარება” ფარგლებში, რომელსაც GCSD ჰედაიას ცენტრთან თანამშრომლობით ახორციელებს. “ძალადობრივ ექსტრემიზმთან გამკლავება - კონცეფციების, პროგრამების შექმნისა და მოწინავე პრაქტიკის შესახებ გაცნობითი ხასიათის სახელმძღვანელო” შეგიძლიათ იხილოთ ბმულზე - http://bit.ly/3h5biQR