ძალადობრივ ექსტრემიზმთან გამკლავების კონცეპტუალური საფუძვლები

შემეცნებითი ვიდეორგოლი ძალადობრივი ექსტრემიზმთან გამკლავების კონცეპტუალურ საფუძვლებზე, რომელშიც განმარტებულია ძალადობრივ ექსტრემიზმსა და მასთან გამკლავებასთან დაკავშირებული სხვადასხვა ტერმინი და კონცეფცია. ვიდეორგოლი წარმოადგენს, ძალადობრივ ექსტრემიზმთან გამკლავების სასწავლო პროგრამის პირველი მოდულის შეჯამებას. მოდული აღწერს ძალადობრივ ექსტრემიზმთან გამკლავების სხვადასხვა კონცეფციის განვითარებას უკანასკნელი ათწლეულის განმავლობაში და გააცნობს აუდიტორიას მნიშვნელოვან დოკუმენტებსა და რეზოლუციებს, მათ შორის ძალადობრივი ექსტრემიზმის პრევენციის შესახებ გაერთიანებული ერების ორგანიზაციის სამოქმედო გეგმასა და შერჩეულ ეროვნულ სამოქმედო გეგმებს. მოდული ამზადებს ნიადაგს ძალადობრივ ექსტრემიზმთან გამკლავების პრაქტიკული ნაწილის გასააზრებლად, წარმოადგენს მოსაზრებებს შესაძლებლობების, აგრეთვე ამ სფეროში ყველაზე გავრცელებული ფარული პრობლემების შესახებ და რეკომენდაციებს მათი თავიდან აცილების შესახებ. ძალადობრივ ექსტრემიზმთან გამკლავების სასწავლო პროგრამა წარმოადგენს, ამ მიმართულებით, პირველ ქართულენოვან სასწავლო პროგრამას. იგი მომზადდა ორგანიზაციის „Search for Common Ground“ მიერ „Hedayah“-ს ცენტრთან თანამშრომლობითა და ევროკავშირის ფინანსური მხარდაჭერით, პროგრამის „STRIVE Global“ ფარგლებში, ხოლო ქართული რეალობისთვის ადაპტირდა საქართველოს სტრატეგიის და განვითარების ცენტრის (GCSD) მიერ. ვიდეო მომზადდა პროექტის “ძალადობრივი ექსტრემიზმის პრევენცია საქართველოში - საჯარო მოხელეებისა და სამოქალაქო საზოგადოების შესაძლებლობების განვითარება” ფარგლებში, რომელსაც GCSD ჰედაიას ცენტრთან თანამშრომლობით ახორციელებს. “ძალადობრივ ექსტრემიზმთან გამკლავება - კონცეფციების, პროგრამების შექმნისა და მოწინავე პრაქტიკის შესახებ გაცნობითი ხასიათის სახელმძღვანელო” შეგიძლიათ იხილოთ ბმულზე - http://bit.ly/3h5biQR