სოფლის მეურნეობა, საწარმოთა განვითარება და ტურიზმი, - რაჭა-ლეჩხუმისა და ქვემო სვანეთის ეკონომიკურ პოტენციალზე საქართველოს პრემიერ-მინისტრმა ირაკლი ღარიბაშვილმა დღეს ამბროლაურში, ბიზნესმენებთან შეხვედრისას ისაუბრა.
მთავრობის მეთაურმა მეწარმეებს ახალი სამთავრობო პროექტი - „ძლიერი რეგიონი - ძლიერი საქართველოსთვის“ წარუდგინა და აღნიშნა, რომ რეგიონში არსებობს უამრავი რესურსი მეფრინველეობის, მესაქონლეობის, რძის, ხორცის წარმოების, ხილ-ბოსტნეულის, კენკროვანი კულტურების, მეფუტკრეობის, სასათბურე და სანერგე მეურნეობების განვითარების, მეთევზეობის, თევზის გადამამუშავებელი წარმოების, სამაცივრე მეურნეობის, მევენახეობა-მეღვინეობის განვითარების მიმართულებით.
„რაც შეეხება საწარმოების განვითარების პერსპექტივას,
ვფიქრობ, რომ რეგიონს აქვს რაჭული ლორის, იშვიათი ღვინოებისა და კენკროვანი კულტურების პროდუქციის წარმოების უნიკალური რესურსი, რაც მაქსიმალურად უნდა გამოვიყენოთ“, - განაცხადა პრემიერ-მინისტრმა.
მთავრობის მეთაურმა თითოეული რაიონის პოტენციალზე კონკრეტულად ისაუბრა - ამბროლაურს აქვს სოჭის სანერგე მეურნეობების განვითარების, რაჭული ლორის წარმოების რესურსი; ლენტეხს აქვს ოქროს მოპოვების რესურსი; ონს - ოქროს მოპოვების, რაჭული ლორის წარმოების, „უწერის“ მინერალური წყლის ჩამოსხმის და, ზოგადად, შოვში არსებული მინერალური წყლების პოტენციალის გამოყენების რესურსი.
როგორც პრემიერმა აღნიშნა, ცაგერში, მინერალური წყლების ბაზაზე, შესაძლებელია როგორც მათი მომპოვებელი, ისე ჩამოსასხმელი საწარმოების შექმნა.
„ყველა რაიონს აქვს ხე-ტყის გადამუშავების, ავეჯის წარმოების, ინერტული მასალების მოპოვების, მტკნარი წყლის ჩამოსხმის, ასევე რძის მიღება-გადამუშავების რესურსი“, - განაცხადა ირაკლი ღარიბაშვილმა.
ვრცლად, რეგიონში მთავრობის მიერ განხორციელებული პროექტების შესახებ იხილეთ : http://gov.ge/index.php?lang_id=GEO\u0026s...
მთავრობის მეთაურმა მეწარმეებს ახალი სამთავრობო პროექტი - „ძლიერი რეგიონი - ძლიერი საქართველოსთვის“ წარუდგინა და აღნიშნა, რომ რეგიონში არსებობს უამრავი რესურსი მეფრინველეობის, მესაქონლეობის, რძის, ხორცის წარმოების, ხილ-ბოსტნეულის, კენკროვანი კულტურების, მეფუტკრეობის, სასათბურე და სანერგე მეურნეობების განვითარების, მეთევზეობის, თევზის გადამამუშავებელი წარმოების, სამაცივრე მეურნეობის, მევენახეობა-მეღვინეობის განვითარების მიმართულებით.
„რაც შეეხება საწარმოების განვითარების პერსპექტივას,
ვფიქრობ, რომ რეგიონს აქვს რაჭული ლორის, იშვიათი ღვინოებისა და კენკროვანი კულტურების პროდუქციის წარმოების უნიკალური რესურსი, რაც მაქსიმალურად უნდა გამოვიყენოთ“, - განაცხადა პრემიერ-მინისტრმა.
მთავრობის მეთაურმა თითოეული რაიონის პოტენციალზე კონკრეტულად ისაუბრა - ამბროლაურს აქვს სოჭის სანერგე მეურნეობების განვითარების, რაჭული ლორის წარმოების რესურსი; ლენტეხს აქვს ოქროს მოპოვების რესურსი; ონს - ოქროს მოპოვების, რაჭული ლორის წარმოების, „უწერის“ მინერალური წყლის ჩამოსხმის და, ზოგადად, შოვში არსებული მინერალური წყლების პოტენციალის გამოყენების რესურსი.
როგორც პრემიერმა აღნიშნა, ცაგერში, მინერალური წყლების ბაზაზე, შესაძლებელია როგორც მათი მომპოვებელი, ისე ჩამოსასხმელი საწარმოების შექმნა.
„ყველა რაიონს აქვს ხე-ტყის გადამუშავების, ავეჯის წარმოების, ინერტული მასალების მოპოვების, მტკნარი წყლის ჩამოსხმის, ასევე რძის მიღება-გადამუშავების რესურსი“, - განაცხადა ირაკლი ღარიბაშვილმა.
ვრცლად, რეგიონში მთავრობის მიერ განხორციელებული პროექტების შესახებ იხილეთ : http://gov.ge/index.php?lang_id=GEO\u0026s...
