ლევან თორია - ტენდერები „ქართული ოცნების“ გამდიდრების წყაროდ იქცა

„ერთიანი ნაციონალური მოძრაობის“ ზუგდიდის ოფისის წევრი ლევან თორია ადგილობრივ ხელისუფლებას კორუფციაში ადანაშაულებს. მისი თქმით, ტენდერები ,,ქართული ოცნების’’ გამდიდრების წყაროდ იქცა. მისი მტკიცებით, კომპანია ,,აკა ენერჯი’’, რომელიც ზუგდიდში ლამპიონების ტენდერს 2015 წლიდან იგებს, ენერგეტიკის მინისტრის კახა კალაძესთან დაახლოებული პირის კომპანიაა. ის ამბობს, რომ მას აქვს იმის დამადასტურებელი დოკუმენტები, რომ ზუგდიდის მერია ამ კომპანიისთვის ტენდერებში იმ მოთხოვნებს აწესებს, რასაც მხოლოდ აღნიშნული კომპანია აკმაყოფილებს. ,,ახლაც გამოცხადებულია იგივე კატეგორიის ტენდერი და პრეტენდენტებს 1 მილიონი ლარის ღირებულების სამუშაო გამოცდილება მოეთხოვებათ, რაც სწორედ ,,აკა ენერჯის’’ აქვს, ლამპიონების მონტაჟის წინა ტენდერებში გამარჯვებიდან გამომდინარე. სწორედ ეს არის პოლიტიკური კორუფციის მაგალითი, რომელშიც კახა კალაძესთან ერთად ადგილობრივი ხელისუფლების მაღალჩინოსნები არიან ჩართულნი,’’- აღნიშნა თორიამ. თავისმხრივ ზუგდიდის მერიში აცხადებენ, რომ ნაციონალური მოძრაობის წევრის ბრალდებები უსაფუძვლოა და თორიას განცხადებაზე კომენტარს არ გააკეთებენ. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/