15 წელი საქართველოს ადგილობრივ თვითმმართველობათა ეროვნული ასოციაციის (NALAG) დაფუძნებიდან

საქართველოს ადგილობრივ თვითმმართველობათა ეროვნულმა ასოციაციამ (NALAG) დაფუძნებიდან 15 წლის იუბილე აღნიშნა. საზეიმო მიღება, რომელიც თბილისის საკრებულოში მოეწყო, საქართველოს ადგილობრივ თვითმმართველობათა ეროვნული ასოციაციის პრეზიდენტმა, დედაქალაქის მერმა - კახა კალაძემ გახსნა. ორგანიზაციის ხელმძღვანელმა ათეა-ს, როგორც ქვეყნის, ასევე საერთაშორისო დონეზე არსებულ მიღწევებზე ისაუბრა და ასოციაციას სამომავლოდ კიდევ უფრო გაძლიერება და წარმატებები უსურვა. ღონისძიებაზე საქართველოს ადგილობრივ თვითმმართველობათა ეროვნული ასოციაციის 15 წლიანი საქმიანობა ათეა-ს ვიცე-პრეზიდენტებმა - გიორგი ტყემალაძემ და თამარ ტალიაშვილმა, ასევე ორგანიზაციის აღმასრულებელმა დირექტორმა - დავით მელუამ შეაფასეს და სამომავლო გეგმებზე ისაუბრეს. იუბილეზე დამსწრე საზოგადოებას ასევე სიტყვით მიმართეს საქართველოს რეგიონული განვითარებისა და ინფრასტრუქტურის მინისტრმა - მაია ცქიტიშვილმა და საქართველოს პარლამენტის წევრებმა - სოფიო კილაძემ და ეკა ბესელიამ. მოწვეულმა სტუმრებმა ორგანიზაციის მნიშვნელობაზე ისაუბრეს და ადგილობრივი დემოკრატიის განვითარებასა და დეცენტრალიზაციის პროცესში ასოციაციის ჩართულობას გაუსვეს ხაზი. იხილეთ ვრცლად: http://nala.ge/post/239496-