გარდაცვლილი წვევამდელის დედა: დარწმუნებული ვარ, რომ დანაშაული დაკავებულს არ ჩაუდენია

სოფელ მუჟავაში აფხაზეთის ე.წ. საზღვართან ტაბელური იარაღიდან გააროლის შედეგად გარდაცვლილი ბექა რუსიას დედა დარწმუნებულია, რომ დანაშაული ბრალდებულ დავით ჯალაღონიას არ ჩაუდენია. იზა რუსია ბრალს საგუშაგოს მეთაურის მოადგილეს ალექსანდრე კვიჟინაძეს სდებს. „მე დარწმუნებული ვარ, რომ ამ ბავშვს ეს არ ჩაუდენია. ვფიქრობ, რომ იყო სტრესის ქვეშ“, - ეს განცხადება იზა რუსაიმ სასამართლო პროცესის გადადების შემდეგ გააკეთა. საქმის არსებით განხილვა ზუგდიდის რაიონულ სასამართლოში 26 თებერვლამდე გადაიდო. პროცესზე ბრალდებულმა კიდევ ერთხელ განაცხადა, რომ წარდგენილ ბრალში თავს დამნაშავედ სცნობს. შესავალ სიტყვაში პროკურორმა საქმის შესახებ ისაუბრა და აღნიშნა, რომ დავით ჯალაღონიამ ალექსანდრე კვიჟინაძის კუთვნილი იარაღით გაუფრთხილებლობით ესროლა ბექა რუსიას, რის შედეგადაც ის გარდაიცვალა. რაც შეეხება დაცვის მხარეს, ადვოკატმა ნინელი ქოიავა შესავალ სიტყვაში აღნიშა, რომ ბრალდებული ნანობს ჩადენილს დანაშალს და განიცდის ამ ფაქტს. რადიო "ათინათი" Website: http://radioatinati.ge Facebook:   / rado.atinati   Google +: https://plus.google.com/u/0/116211701... Twitter: https://twitter.com/