ბრიტანეთის საგარეო საქმეთა მინისტრის განცხადება

უკრაინაში პუტინის განზრახვა გეგმის მიხედვით არ მიდის და შედეგად რუსეთის პრეზიდენტი მიმართავს კიდევ უფრო ექსტრემალურ ნაბიჯებს, - აცხადებს ბრიტანეთის საგარეო საქმეთა მინისტრი. ლიზ ტრასის თქმით, ლონდონი შეძლებისდაგვარად ყველაფერს აკეთებს უკრაინელების მხარდასაჭერად. „მომავლის შესახებ პროგნოზებს ვერ გავაკეთებ, მაგრამ რაც ვიცით, პუტინის გეგმები არ მიდის გეგმის მიხედვით, არ აქვს პროგრესი, რასაც იმედოვნებდა და შედეგად სულ უფრო ექსტრემალურ ტაქტიკას მიმართავს. ნამდვილად ვერ ვუპასუხებ კითხვას, დაეცემა თუ არა საბოლოოდ კიევი, რადგან არავინ მოელოდა, რომ დაგეგმილი შეჭრა რუსეთისთვის იმდენად ცუდად წავიდოდა, როგორც ეს მოხდა“ - თქვა ლიზ ტრასმა. ბრიტანეთის საგარეო საქმეთა მინისტრის ინფორმაციით, ლონდონი რუსეთის ნავთობისა და გაზის ჩასანაცვლებლად ალტერნატიულ წყაროებს ეძებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.