იენს სტოლტენბერგის ინტერვიუ

ნატო-ს გენერალური მდივანი ამბობს, რომ ავღანეთში ომი სამუდამოდ ვერ გაგრძელდება, - ამის შესახებ იენს სტოლტენბერგმა გერმანულ გამოცემასთან ინტერვიუში განაცხადა. მისივე თქმით, ავღანეთში მისიის საკითხზე, ნატო-ს წევრი სახელმწიფოების თავდაცვის მინისტრები მომდევნო კვირაში იმსჯელებენ. შეგახსენებთ, რომ 2020 წლის თებერვალში, შეერთებულმა შტატებმა „თალიბანთან“ ხელი მოაწერა შეთანხმებას, რომლის თანახმადაც, ამერიკა და მისი მოკავშირეები პირობას დებენ, რომ დატოვებენ ავღანეთს. სანაცვლოდ კი „თალიბანი“ იქნება გარანტი, რომ ავღანეთი ტერორისტების თავშესაფარი არ იქნება. 2021 წლის 4 თებერვალს, ამერიკის სახელმწიფო დეპარტამენტში განაცხადეს, რომ ტრამპის ადმინისტრაციის პირობებში დადებული შეთანხმების გადახედვას აპირებენ.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.