MOE: სიუჟეტი დაცული ტერიტორიებისთვის გრანტის გამოყოფის შესახებ. 02.04.2014

http://moe.gov.ge/index.php?lang_id=G... საქართველოს გარემოსა და ბუნებრივი რესურსების დაცვის სამინისტროს დაცული ტერიტორიების სააგენტოსა და გერმანულ საკონსულტაციო ჯგუფს (GFA) შორის ხელშეკრულება გაფორმდა. გერმანიის მთავრობის რეკონსტრუქციის საკრედიტო ბანკი (KFW), გარემოსა და ბუნებრივი რესურსების დაცვის სამინისტროს დაცული ტერიტორიების სააგენტოსთან თანამშრომლობით საქართველოს 4 დაცულ ტერიტორიაზე 8,2 მილიონი ევროს ინვესტიციას განახორციელებს. ხელშეკრულებას, რომელიც დაცული ტერიტორიების ინფრასტრუქტურის განვითარებას ითვალისწინებს, სააგენტოს თავმჯდომარემ რატი ჯაფარიძემ და გერმანული საკონსულტაციო ჯგუფის წარმომადგენელმა დენიელ ვაჰბიმ მოაწერეს ხელი. ხეშეკრულებაზე ხელმოწერის ცერემონიალს გარემოსა და ბუნებრივი რესურსების დაცვის მინისტრი ხათუნა გოგალაძე დაესწრო. 8,2 მილიონი ევროს ოდენობის გრანტი მომდევნო 5 წლის განმავლობაში დაიხარჯება. ხელშეკრულების მიხედვით, გათვალისწინებულია კინტრიშის, ალგეთისა და ყაზბეგის დაცულ ტერიტორიებზე როგორც ინფრასტრუქტურის მოწყობა, ასევე დაცული ტერიტორიების ადმინისტრაციების გაძლიერება. დაგეგმილია ფშავ-ხევსურეთის დაცული ტერიტორიის შექმნა. პროექტით გათვალისწინებულია, მაღალი სტანდარტის მენეჯმენტის გეგმების შემუშავება, ეკო-ტურისტული ბილიკების, ღამის სათევებისა და საპიკნიკე ადგილების მოწყობა, დაცული ტერიტორიების დემარკაცია (საზღვრების დადგენა), ადმინისტრაციული შენობების აშენება და მათი აღჭურვა, ბიომონიტორინგის სისტემის შექმნა და ადგილობრივი კადრებისთვის ტრენინგების ჩატარება.