ბორის პასტერნაკის შთამომავალი თბილისშია

23 ოქტომბერს, 17:00 საათზე, საქართველოს თეატრის, მუსიკის, კინოსა და ქორეოგრაფიის სახელმწიფო მუზეუმში, საქართველოს კულტურისა და ძეგლთა დაცვის მინისტრის მოადგილე მანანა ბერიკაშვილი, XX საუკუნის უდიდესი პოეტის, ნობელის პრემიის ლაურეატის ბორის პასტერნაკის შთამომავალს საშა სლეიტერს შეხვდება. საშა სლეიტერი თბილისში ბაბუის მეგობრების შთამომავლებს შეხვდება; მათ შორის ტიციან ტაბიძის შთამომავალს გივი ანდრიაძეს, ასევე მერაბ ნიჟარაძესა და ლაშა თაბუკაშვილს. დაგეგმილი აქვს მოგზაურობა კახეთსა და ყაზბეგში, მოინახულა უფლისციხე და გორი... მასალებს საქართველოს შესახებ ბრიტანული Harper's Bazaar-ის მთავარი რედაქტორის მოადგილე საშა სლეიტერი 2014 წლის ბოლოს გამოაქვეყნებს. ბორის პასტერნაკის შთამომავალი ასევე, ხელოვნების სასახლის არქივში დაცულ ნატო ვაჩნაძისა და უდიდესი პოეტის მიმოწერას გაეცნობა. მასპინძლობას საშა სლეიტერს საქართველოს თეატრის, მუსიკის, კინოსა და ქორეოგრაფიის სახელმწიფო მუზეუმის დირექტორი გიორგი კალანდია გაუწევს. http://www.culture.gov.ge   / culturegovge   http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045