MOE: გარემოსდაცვითი სანებართვო პოლიტიკის შესახებ კონფერენცია გაიმართა


http://moe.gov.ge/index.php?lang_id=G...
სასტუმრო „შერატონ მეტეხი პალასში\" თემაზე - „გარემოსდაცვითი სანებართვო პოლიტიკა საქართველოში, არსებული მდგომარეობა და სამომავლო პერსპექტივები\" კონფერენცია გაიმართა. შეხვედრაზე განხილულ იქნა საქართველოს გარემოსდაცვითი სანებართვო სისტემა და გარემოსდაცვითი ინსპექტირების საკითხები ევროპულ კანონმდებლობასთან მიმართებით, ასევე იმსჯელეს არსებულ ხარვეზებზე და დასახეს გარემოზე ზემოქმედების სანებართვო სისტემის გაუმჯობესების, გარემოსდაცვითი სახელმწიფო ზედამხედველობის ეფექტიანი დანერგვის გზები და სამომავლო პერსპექტივები. ღონისძიება საქართველოს გარემოსა და ბუნებრივი რესურსების დაცვის მინისტრმა ხათუნა გოგალაძემ და ნიდერლანდების სამეფოს ელჩმა საქართველოში ჰანს ჰორბაჩიმ გახსნეს.
კონფერენცია საქართველოს გარემოსა და ბუნებრივი რესურსების დაცვის სამინისტროს სსიპ „გარემოსადაცვითი ინფორმაციისა და განათლების ცენტრის მიერ ნიდერლანდების მთავრობის ფინანსური მხარდაჭერით ჩატარდა.

ვიდეოები „გარემოს დაცვისა და სოფლის მეურნეობის სამინისტრო"-ისგან