ლაზიკა კაპიტალმა ზუგდიდის სკოლებს კოლხური ბზის ნერგები გადასცა

#ლაზიკაკაპიტალი #მიკროსაფინანსო #ასოციაციაათინათი #ნერგები მიკროსაფინანსო ორგანიზაცია „ლაზიკა კაპიტალმა“ ასოციაცია „ათინათთან“ თანამშრომლობით ზუგდიდის ოთხ საჯარო სკოლას კოლხური ბზის ნერგები საჩუქრად გადასცა. გრიგოლიშის, ყულიშკარის, ჭაქვინჯის და ჯიხაშკარის სკოლაში ნერგები მათ მოსწავლეებთან ერთად დარგეს. ღონისძიება ათინათის მიერ განხორციელებული პროგრამის „მომავლის თაობის“ ფარგლებში ჩატარებულ ახალგაზრდულ ფორუმზე დაიგეგმა, სადაც ლაზიკა კაპიტალმა პროექტს ეკოლოგიის მიმართულებით მახრი დაუჭირა. ორგანიზაციის ბრენდის განვითარებისა და პრომოუშენის მიმართულების ხელმძღვანელის ლაშა ლოგუას თქმით, მნიშვენელოვანია ახალგაზრდების ჩართულობა გარემოსდაცვით ღონისძიებებში. ამასთან, მან კოლხურის ბზის უნიკალურობაზე ისაუბრა და აღნიშნა რომ , ეს მცენარე გადაშენების პირასაა და განსაკუთრებულ მოვლას საჭიროებს. „ათინათთან ერთად დაიგეგმა ეს ღონისძიება,ჩვენ ორგანიზება გავუწიეთ ნერგების შესყიდვას და მოსწავლეებისთვის მის გადაცემას“, - განაცხადა ლაშა ლოგუამ. ცნობისთვის, პროგრამას ,,მომავლის თაობა“ ახორციელებს ამერიკული ორგანიზაცია PH International, ამერიკის შეერთებული შტატების საერთაშორისო განვითარების სააგენტოს (USAID) დაფინანსებით და საქართველოს განათლებისა და მეცნიერების სამინისტროს მხარდაჭერით. პროგრამა სამეგრელოს რეგიონში ხორციელდება ასოციაცია „ათინათის“ მიერ. რადიო "ათინათი" Website: http://radioatinati.ge/ Facebook:   / rado.atinati.  . Google+: https://plus.google.com/u/0/116211701... Twitter: https://twitter.com/