გურამ ოდიშარიამ ქუთაისის სამწერლო ორგანიზაციას 90 წლის იუბილე მიულოცა

11 ნოემბერს,ქუთაისის ლადო მესხიშვილის სახელობის სახელმწიფო დრამატულ თეატრში, საქართველოს კულტურისა და ძეგლთა დაცვის მინისტრი გურამ ოდიშარია საქართველოს მწერალთა კავშირის ქუთაისის სამწერლო ორგანიზაციას 90 წლის იუბილე მიულოცა. მინისტრმა ქართულ მწერლობასა და კულტურაში შეტანილი განსაკუთრებული წვლილისათვის მადლობის სიგელებით დააჯილდოვა მწერლები, ქორეოგრაფები და საზოგადო მოღვაწეები. ღონისძიებას დაესწრნენ მწერალთა კავშირის წევრები საქართველოს სხვადასხვა რეგიონებიდან, მეცნიერები, საზოგადო მოღვაწეები, ქუთაისის საკრებულოსა და მერიის წარმომადგენლები. ქუთაისის სამწერლო ორგანიზაციას 25 წელია თეიმურაზ ლანჩავა ხელმძღვანელობს. ამ პერიოდის განმავლობაში მწერალთა სახლი ახორციელებს სხვადასხვა მნიშვნელოვან ლიტერატურულ პროექტებს. საქართველოს კულტურისა და ძეგლთა დაცვის სამინისტროს მხარდაჭერით და თეიმურაზ ლანჩავას რედაქტორობით, 2013 წლის ნოემბერში გამოიცა ლიტერატურული გაზეთი „უქიმერიონი". http://www.culture.gov.ge/   / culturegovge   http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045