საბერძნეთის პოლიციამ საქართველოს მოქალაქე დააკავა

საბერძნეთის პოლიციამ კრიმინალური დაჯგუფების ლიდერი, საქართველოს მოქალაქე დააკავა. როგორც ადგილობრივი მედია იუწყება, 38 წლის მამაკაცი ატიკას რეგიონში ბინების გაქურდვაში ჩართულ დანაშაულებრივ ჯგუფს ხელმძღვანელობდა. ბერძნული მედია მას „კანონიერ ქურდად“ მოიხსენიებს. პოლიციის ცნობით, სპეცოპერაციის დროს სულ დაკავებულია ოთხი უცხოელი. მათ შორის სამი მამაკაცი და ერთი ქალია. სამართალდამცავებმა ამოიღეს მოპარული ნივთები, ასევე იარაღი, ჯავშანჟილეტები, ნიღბები, რომლებსაც ბოროტმოქმედები ქურდობის დროს იყენებდნენ. დაკავებულები ბინებს ორი წლის განმავლობაში ძარცვავდნენ და 200 000 ევროს ღირებულების ნივთები მოიპარეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.