შსს–ს მიერ გადაღებული ფილმის „ვინ მოკლა ილია...“ ჩვენება თელავის სახელმწიფო უნივერსიტეტში გაიმართა

24.11.2014 01:57

შინაგან საქმეთა სამინისტრო

არხი

შინაგან საქმეთა სამინისტროს არქივის მიერ გადაღებული, ილია ჭავჭავაძის მკვლელობისა და მის მიერ საგურამომდე განვლილი უკანასკნელი გზის შესახებ მხატვრულ–დოკუმენტური ფილმის – „ვინ მოკლა ილია...“ –ს ჩვენება თელავში, იაკობ გოგებაშვილის სახელობის თელავის სახელმწიფო უნივერსიტეტში გაიმართა. ჩვენებას შსს–ს არქივის დირექტორი ომარ თუშურაშვილი, არქივის სხვა წარმომადგენლები, შსს-ს აკადემიის პრორექტორი ფრიდონ დიასამიძე, თელავის სახელმწიფო უნივერსიტეტის რექტორი ავთანდილ ღელეღუტაშვილი, კახეთის გუბერნატორის მოადგილე ზურაბ არსენიშვილი, თელავის მერიის წარმომადგენლები, ისტორიკოსები, პროფესორ-მასწავლებლები და სტუდენტები დაესწრნენ. ფილმის ჩვენება თბილისში შემდგარი პრემიერის შემდეგ რეგიონებში აქტიურად მიმდინარეობს. საზოგადოება ამ ფილმში ილია ჭავჭავაძის მკვლელობის სრულიად ახალი ვერსიის ეკრანიზაციას ეცნობა, რაც ისტორიკოსებისა და მკვლევარების მოსაზრებებითაა გამყარებული. მოქმედება დროის სამ მონაკვეთში ხდება – ილიას მკვლელობის დღეს, ბოლშევიკურ ეპოქაში, როდესაც მკვლელობაში მონაწილე პირები გაასამართლეს და თანამედროვე ეპოქაში, როდესაც თანამედროვე ტექნიკური საშუალებებით მომხდარის დეტალების აღდგენა და მოკვლევა ტარდება. სიახლის სრულად სანახავად გადადით შემდეგ ლინკზე: http://goo.gl/0vLcym

გაზიარება: