სამედიცინო დახმარების პროგრამა უკრაინელებისთვის

22.06.2022 03:18

პირველი არხი Georgian Public Broadcaster

არხი

საქართველოში მყოფ დევნილ უკრაინელებს „ამერიკული ჰოსპიტალი თბილისი“ სამედიცინო დახმარებას გაუწევს. ჰოსპიტალი პროგრამას აშშ-ს საერთაშორისო განვითარების საფინანსო კორპორაციის დახმარებით ახორციელებს. საგრანტო ხელშეკრულების ხელმოწერის ცერემონია დღეს გაიმართა. ღონისძიებას ესწრებოდნენ როგორც ამერიკული მხარე, ასევე უკრაინის ელჩის მოვალეობის შემსრულებელი და ჯანდაცვის მინისტრის მოადგილე. საქართველოში 28 000 უკრაინელი დევნილი იმყოფება. სამედიცინო მომსახურების მისაღებად ქვეყანაში ჩამოსვლა შეეძლებათ იმ უკრაინელებსაც, რომლებიც უკრაინაში ომის პირობებში ვერ იღებენ შესაბამის სერვისს. კლინიკა მათ სთავაზობს ქირურგიულ ოპერაციებს, მოზრდილთა და პედიატრიულ ამბულატორიულ მოვლას, ასევე დიაგნოსტიკურ მომსახურებას. პროგრამის ღირებულება 800 000 დოლარია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - / 1stchannel.1tv.ge გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: