სამხატვრო აკადემიის სარეაბილიტაციო სამუშაოები აქტიურ ფაზაში შევიდა

საქართველოს კულტურისა და ძეგლთა დაცვის სამინისტროს დაქვემდებარებაში მყოფი ორგანიზაციების ავარიული შენობების მასშტაბური ინფრასტრუქტურული რეაბილიტაცია გრძელდება. 10 ნოემბერს, საქართველოს კულტურისა და ძეგლთა დაცვის მინისტრი მიხეილ გიორგაძე აპოლონ ქუთათელაძის სახელობის თბილისის სამხატვრო აკადემიას ეწვია და სტუდენტებთან ერთად შენობის სარემონტო-სარეაბილიტაციო სამუშაოები დაათვალიერა. ამ დროისათვის მიმდინარეობს სარეაბილიტაციო სამუშაოების პირველი ეტაპი, რაც შენობის კონსტრუქციულ გამაგრებას გულისხმობს. ხორციელდება საძირკვლის გამაგრება და შენობის ახალი სახურავის ქვეშ მოქცევა. სარეაბილიტაციო-სარემონტო სამუშაოებს შპს „იკორთა 2007“ ახორციელებს. აპოლონ ქუთათელაძის სახელობის თბილისის სამხატვრო აკადემიის სარეაბილიტაციო სამუშაოების პირველი ეტაპი 2016 წლის დეკემბერში, ხოლო შენობის სრული რეაბილიტაცია 2018 წელს დასრულდება. http://www.culture.gov.ge/   / culturegovge   http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045