ზუგდიდის 26-ე საარჩევნო უბანი დაგვიანებით გაიხსნა

07.10.2016 01:43

კომბინატის დასახლებაში, 26-ე საარჩევნო უბანი დაგვიანებით, 8 საათსა და 06 წუთზე გაიხსნა. სულ უბანზე 1273 ამომრჩეველია დარეგისტრირებული. რადიო „ათინათთან“ საუბრისას კომისიის თავმჯდომარემ ბადრი ჯიმშელიამ განაცხადა, რომ ადგილზე იმყოფება კომისიის ყველა წევრი და რამდენიმე პარტიისა და ორგანიზაციის დამკვირვებელი. 8 საათზე გაიხსნა 89-ე უბანი, სადაც 1238 ამომრჩეველია რეგისტრირებული, გადასატან ყუთში კი 6 ადამიანი. ამასთან, კომისიის თავმჯდომარის თქმით, არჩევნების წინა დღეს ადგილზე იმყოფებოდნენ ეუთო-ს წარმომადგენლებიც. ამავე დროს გახსნეს 27-ე საარჩევნო უბანი, სადაც პირველი ამომრჩეველი 8 საათსა 05 წუთზე დაფიქსირდა, ამ დროისთვის არჩევანი უკვე გააკეთა 30 მოქალაქემ. ერთადერთი ადაპტირებული უბანი კომბინატის დასახლებაში არის 25-ე საარჩევნო უბანი, რომელიც მე-5 საჯარო სკოლაშია განთავსებული. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/

გაზიარება: