ანა წითლიძემ ვიცე მერის გია გულორდავას გუშინდელ განცხადებას გამოეხმაურა

ნაცონალური მოძრაობის" წევრი ანი წითლიძე ვიცე-მერის გია გულორდავას გუშინდელ განცხადებას გამოეხმაურა. ზუგდიდის პროკურატურასთან ანი წითლიძემ ბრიფინგი მუშებთან ერთად გამართა და გია გულორდავას მიმართ გამოთქმული ბრალდებები დაადასტურა, რომელთა თანახმად, ის ზუგდიდის ტროტუარის მოპირკეთების სამუაშოებზე დაკავებულ მუშებს, ოთხი დღის განმავლობაში საკუთარ სახლში ამუშავებდა. გარდა ამისა, დეპუტატის განცხადებით, გულორდავამ მუშებისთვის ხელფასების გადახდა „ამი2014“-ს დააკისრა. დეპუტატის თქმით გია გულორდავა ასევე, გარეულია ფინანსურ გარიგებაში, რამაც „ამი2014“-ს გაკოტრება გამოიწვია, შესაბამისად კომპანიამ მუშებს თანხა ვერ გადაუხადა. გია გულორდავა ადასტურებს იმ ფაქტს, რომ რამდენიმე დღის განმავლობაში მასთან დასაქმებულები იყვნენ მუშები, რომლებმაც სამუშაოს ვერ გაართვეს თავი და მალევე შეწყვიტეს. ვიცე-მერის თქმით განხორციელებულ სამუშაოზე, მუშებისთვის განკუთვნილი ხელფასი მათ ხელმძღვანელს გადაუხადა. რაც შეეხება ფინანსურ გარიგებაში მის მონაწილეობას, არ ადასტურებს და აბსურდულს უწოდებს. რადიო "ათინათი" Website: http://radioatinati.ge/ Facebook:   / rado.atinati.  . Google+: https://plus.google.com/u/0/116211701... Twitter: https://twitter.com/