პოლიციელის მიერ ნაცემი მუსიკოსი სახეში სხვადასხვა დაზიანებებით მკურნალობას სტაციონარში გადის.
11/26/2013
odishitv-ის
მიერ
ცაიშის მკვიდრის როინ ქადარიას ინფორმაციით იგი 25 ნოემბერს ხობში გამთენიისას, 02:30-ზე ლანჩხუთის კრიმინალური პოლიციის თანამშრომელმა პაპუნა ფაჩულიამ სასტიკად სცემა. მუსიკოსი ამბობს, რომ პოლიციელმა ქორწილში ისეთი მუსიკის დაკვრა მოთხოვა რომელიც არ იცოდა და ფიზიკური შეურაწყოფაც ამის გამო მიაყენა. მუსიკოსს სახის არეში დაბეჟილობები ეტყობა. იგი ამჟამად საკუთარ სახლში მკურნალობს. როინ ქადარიას ჯანმრთელობის მდგომარეობა დღეს დღის მეორე ნახევარში გაუარესდა, რის გამოც ზუგდიდის რესპუბლიკურ საავადმყოფოში გადაიყვანეს. როინ ქადარიას დედამ ლელა ქადარია აცხადებს, რომ მისმა შვილმა გონება დაკარგა და ის საავადმყოფოში თავის ტვინის ძლიერი შერყევით არის მოთავსებული. ასევე, მას აღენიშნება სახის არეში სხვადასხვა დაბეჟილობები. ქადარიას სამედიცინო გამოკვლევები ჩაუტარდა .როინ ქადარიას ცემის ფაქტზე გამოძიება ხობის პოლიციამ უკვე დაიწყო, მომხდართან დაკავშირებით გამოძიება 118-ე მუხლით მიმდინარეობს, რაც სხეულის განზრახ ნაკლებად მძიმე დაზიანებას გულისხმობს. აღნიშნულთან დაკავშირებით შინაგან საქმეთა სამინისტროში განაცხადეს, რომ მიმდინარეობს საქმის დეტალების შესწავლა. როინ ქადარიას ცემის შემდეგ თავის ძლიერი ტკივილები აწუხებს. დაზარალებული პოლიციელის დაუყოვნებლივ დასჯას ითხოვს.
