სამხედრო-სასწავლო წვრთნები შავ ზღვაში

რუსეთის პროვოკაციული სვლა - შავ ზღვაში მიმდინარე ნატოსა და მისი პარტნიორების მრავალეროვნული სამხედრო წვრთნების პარალელურად მოსკოვმა საკუთარი სამხედრო სწავლებაც ჩაატარა. ადგილზე რუსეთმა არაერთი სამხედრო მანევრი განახორციელა, გამოსცადა ყირიმის ანტისაჰაერო თავდაცვის სისტემაც. ნატოს მასშტაბურ წვრთნებში, რომელიც დიდი ხნის წინ დაიგეგმა, საქართველო და უკრაინაც მონაწილეობენ. სწორედ უკრაინის პირველმა დიპლომატმა დღეს ნატოს პირდაპირ მოუწოდა, რომ რუსეთიდან გაზრდილი საფრთხეების და პროვოკაციების ფონზე შავი ზღვის რეგიონის უსაფრთხოებას მეტი ყურადღება დაუთმოს. მას შემდეგ, რაც წინა კვირას რუსული ბომბდამშენები და სანაპირო დაცვის კატარღები საქართველოსკენ მომავალ ბრიტანულ სამხედრო ხომალდს ოკუპირებული ყირიმის სანაპიროსთან აედევნენ, შავი ზღვის რეგიონში ვითარება უკიდურესად დაძაბული რჩება.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.