აფხაზეთში სამხედრო წვრთნები..

აფხაზეთში სამხედრო წვრთნები მიმდინარეობს. რუსეთის სამხედრო ბაზაზე აფხაზეთში, სამხედროებს სამხედრო ავტომანქანების მართვაში წრთვნიან. როგორც „აპსნიპრესი" იუწყება, სასწავლო პროცესში ჩართულია 200 სამხედრო მოსამსახურე, 30 ერთეული შეიარაღება და სამხედრო ტექნიკა. მომზადება სამი მიმართულებით მიმდინარეობს და მოიცავს მეცადინეობას რემონტისა და ტექნიკური მომსახურების პუნქტებში, ტანკოდრომსა და ავტოდრომზე კომპლექსურ მეცადინეობას და სხვადასხვა რელიეფზე მოძრაობის მეთოდების დახვეწას. სამხედროები სწავლობენ უახლესი სამხედრო სატვირთო კამაზ-5350-ის მართვას, რომელიც რუსეთის ბაზამ აფხაზეთში წელს მიიღო. ავტომანქანა დამატებითი დაცვის კომპლექსითაა არჭურვილი, აქვს კაფსულის ტიპის დაჯავშნული კაბინა ტყვიაგაუმტარი მინებით და გაძლიერებული პლატფორმით. ფინალური გამოცდა 200-კილომეტრიანი მარში იქნება. ამ მარშრუტის ნახევარს სამხედროები ღამისა და გართულებული ხედვის პირობებში გაივლიან. http://www.odishi.ge/   / odishitv