მოლდოვის პრეზიდენტმა უშიშროების საბჭოს სხდომა მოიწვია

დნესტრისპირეთში გამთენიისას ორი აფეთქების ხმა გაისმა. თვითგამოცხადებული დნესტრისპირეთის რესპუბლიკის შინაგან საქმეთა სამინისტროს ინფორმაციით, აფეთქება დილის 06:40-სა და 07:05 საათზე მოხდა. განადგურებულია ერთი და 0,5 მეგავატის მქონე სიმძლავრის ანტენები. კომპლექსი სოფელ მაიაკში, გრიგორი-ოპოლის რაიონში და უკრაინის საზღვრიდან დაახლოებით 10 კმ.ზე ნაკლებ მანძილზე მდებარეობს. როგორც მედია წერს, ეს სტრატეგიული ობიექტი აშენდა საბჭოთა კავშირის დროს და მოკლე ტალღური რადიო სიხშირის გადაცემისთვის გამოიყენებოდა. მედიის ცნობით, აღნიშნული გადამცემები რუსული რადიოს გადასაცემად გამოიყენებოდა. მოლდოვის პრეზიდენტმა მაია სანდუმ, დნესტრისპირეთში მომხდარ ინციდენტებთან დაკავშირებით დღეს უშიშროების საბჭოს სხდომა მოიწვია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.