GEM Fest-ის თანამშრომლების ნაწილმა დახმარებისთვის საიას მიმართა

GEM Fest-ის ბილეთების კონტროლის თანამშრომლებმა დახმარებისთვის ახალგაზრდა იურისტთა ასოციაციის ზუგდიდის ორგანიზაციას მიმართეს. მათი თქმით, იმ შემთხვევაში, თუკი ადმინისტრაციისგან უახლოესი ორი დღის განმავლობასი დადებით პასუხს არ მიიღებენ, ბრძოლას სამართლებრივი გზით განაგრძობენ. ფესტივალის სტაფის ნაწილს ამ წუთებში GEM Fest-ის მთავარი შეასავლელი გადაკეტილი აქვს და ფესტივალის სტუმრებს შიდა ტერიტორიაზე არ უშვებენ. მათივე ინფორმაციით, ისინი ბილეთების კონტროლის მენეჯერთან თეკლა ფაცურიასთან დაკავშირებას ვერ ახერხებენ, ასევე, ვერ უკავშირდებიან GEM Fest-ის ადმინისტრაციას. „შრომით ხელშეკრულებაში, რომელსაც ხელს გიორგი სიგუა აწერს, 42-ვე თანამშრომლის საბანკო რეკვიზიტებია მითითებული, თუმცა, გუშინ 100-100 ლარი ხელზე მოგვცეს. ნაწილმა არ აიღო, რადან ხელფასს, 500 ლარს სრულად ვითხოვთ“, - აღნიშნეს GEM Fest-ზე დასაქმებულებმა. აქციის მონაწილეების თქმით, ეს გამაფრთხილებელი აქციაა და დაშლას არ აპირებენ. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/