შეხვედრა სპეციალური საჭიროების მქონე პირების საკითხებზე მომუშავე ორგანიზაციებთან

14 მარტს, საქართველოს ეროვნული მუზეუმის აუდიტორიაში (ა. ფურცელაძის 1), საქართველოს კულტურისა და ძეგლთა დაცვის სამინისტრომ, საქართველოს ეროვნულ მუზეუმთან ერთად, სპეციალური საჭიროების მქონე პირების თემაზე სამუშაო შეხვედრა გამართა. შეხვედრას უძღვებოდნენ საქართველოს კულტურისა და ძეგლთა დაცვის მინისტრი მიხეილ გიორგაძე, მინისტრის მოადგილე ლევან ხარატიშვილი და საქართველოს ეროვნული მუზეუმის გენერალური დირექტორის მოადგილე მიხეილ წერეთელი. ღონისძიებას სპეციალური საჭიროების მქონე პირების საკითხზე მომუშავე ორგანიზაციების წარმომადგენლები ესწრებოდნენ. კულტურისა და ძეგლთა დაცვის სამინისტროს წარმომადგენლებმა შეხვედრის მონაწილეებს გააცნეს კულტურის სტრატეგიის დოკუმენტი, რომელშიც ასახულია სპეციალური საჭიროების მქონე პირებისათვის კულტურის სფეროს თანაბარი ხელმისაწვდომობის და ადაპტირებული გარემოს შექმნის მექანიზმები. სამინისტრომ და საქართველოს ეროვნულმა მუზეუმმა საზოგადოებას ასევე გააცნეს ამ მიმართულებით მიმდინარე და დაგეგმილი კონკრეტული პროექტები და აქტივობები. განიხილეს შესაბამისი საკანონმდებლო ინიციატივებიც. http://www.culture.gov.ge/ http://www.facebook.com/culturegovge http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045