ზუგდიდში თენგო ქობალიას მხარდასაჭერ აქციაზე ხმაურია

სახელმწიფო უსაფრთხოების სამსახურის სამეგრელო-ზემო სვანეთის რეგიონული წარმომადგენლობასთან ხმაურია. თენგო ქობალიას ოჯახის წევრები და ახლობლები სუს-ის შენობაში შესვლას და რეგიონული სამსახურის უფროსთან შეხვედრას ითხოვენ. მათ ამის საშუალება სამართალდამცველებმა არ მისცეს. ადგილზე თენგო ქობალიას დაახლოებით 200-მდე მხარდამჭერი არის შეკრებილი. მათ ბულვარის მიმდებარედ ცენტრალური გზის გადაკეტვაც ცადეს. თბილისის საქალაქო სასამართლოს გადაწყვეტილებით, ზუგდიდის მერიის მუნიციპალური სერვისების მართვის სამსახურის ყოფილი უფროსი თენგიზ ქობალია პატიმრობაში რჩება. ქობალია, რომელიც ბრალს არ აღიარებს, 24 დეკემბერს საკუთარ კაბინეტში დააკავეს. გამოძიება მას დანაშაულის შეუტყობინებლობას ედავება. სუს-ის განცხადებაში აღნიშნულია, რომ იგი ზუგდიდის მუნიციპალიტეტის მერის ლაშა გოგიას და ვიცე-მერის გია გულორდავას მიერ განსაკუთრებით მძიმე დანაშაულის ჩადენის ფაქტი შეიტყო და აღნიშნულის შესახებ სამართალდამცავ ორგანოებს არ აცნობა. ქობალიას წინასწარი პატიმრობა 25 დეკემბერს შეეფარდა. რადიო "ათინათი" Website: http://radioatinati.ge/ Facebook:   / rado.atinati   Google+: https://plus.google.com/u/1/ Twitter:   / atinati1059   Instagram: //www.instagram.com/radioatinati1059fm/