ომი უკრაინაში - 66-ე დღე

უკრაინის პრეზიდენტის ინფორმაციით, კიევის შემოგარენში კიდევ ერთი საერთო სამარხი აღმოაჩინეს, სადაც 900 ცხედარია ნაპოვნი. რუსეთის უკრაინაში შეჭრიდან 66-ე დღეს, ოკუპანტები შეტევით ოპერაციებს უკრაინის აღმოსავლეთ ოპერატიულ ზონაში განაგრძობენ, რათა დაამყარონ სრული კონტროლი დონეცკისა და ლუგანსკის რეგიონებში და შეინარჩუნონ სახმელეთო დერეფანი ოკუპირებულ ყირიმთან. რუსული დანაყოფები ახორციელებენ საჰაერო და სარაკეტო იერიშებს სამოქალაქო და სამხედრო ინფრასტრუქტურაზე, უკრაინის ტერიტორიის სიღრმეშიც, ასევე ფრონტის გასწვრივ და სასაზღვრო რაიონებში. გარდა ამისა, რუსული ჯარები ახდენენ საოკუპაციო ძალების გადაჯგუფებას. უკრაინის ჯარების ნაწილების საარტილერიო დაბომბვა არ წყდება ზაპოროჟიეს მიმართულებითაც. ოკუპანტები ასევე განაგრძობენ ქალაქ მარიუპოლის ბლოკირებას. „აზოვსტალის“ ტერიტორიაზე გამაგრებული უკრაინის 36-ე საზღვაო ქვეითი ბრიგადის მეთაურმა, მშვიდობიანი მოქალაქეებისა და დაშავებულების გაყვანაში დახმარებისთვის თურქეთის პრეზიდენტს კიდევ ერთხელ მიმართა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.