ოპოზიციის მოთხოვნა და ხმაური ბიუროს სხდომაზე

ცხარე კამათსა და სიტყვიერ დაპირისპირებაში გადაიზარდა ბიუროს დღევანდელი სხდომა. „ევროპული საქართველოს“ წევრები პარლამენტის თავმჯდომარისგან 20-21 ივნისის მოვლენების დროს დაკავებულების მონახულების უფლებას ითხოვდნენ. თუმცა იმ არგუმენტით, რომ ოპოზიცია ბოიკოტის რეჟიმშია, არჩილ თალაკვაძემ ოპონენტების მოთხოვნა არ დააკმაყოფილა. უარს შეურაცხმყოფელი ეპითეტები მოჰყვა, რის გამოც სპიკერმა მანდატურებს ოპოზიციონერი დეპუტატების გაყვანა დაავალა. ოპოზიციის ინფორმაციით, ექვსი თვის წინ დაკავებულებზე ზეწოლა ხდება. შეზღუდვებზე საუბრობენ ბრალდებულთა მშობლებიც, რომლებიც დღეს პარლამენტში შესვლას ითხოვდნენ. მუქარის ან ზეწოლის ფაქტებს არ ადასტურებს ადამიანის უფლებათა კომიტეტის თავმჯდომარე, რომელიც დღეს ციხეში შევიდა.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.