#მოამბე 21 საათზე, 24 მაისი, 2021 #LIVE

• პროტესტი „ნამახვანჰესის“ მშენებლობის წინააღმდეგ, გაშლილი კარვები და სცენა პირველი რესპუბლიკის მოედანზე - ორგანიზატორები მოქალაქეებს 26 მაისის აღნიშვნის ნაცვლად აქციაში მონაწილეობისკენ მოუწოდებენ და მოთხოვნათა დაუკმაყოფილებლობის შემთხვევაში დედაქალაქის პარალიზებით იმუქრებიან • დასავლეთი მინსკის წინააღმდეგ ახალი სანქციებით იმუქრება - აშშ და ევროკავშირი ბელარუსის ხელისუფლებას სამგზავრო თვითმფრინავის გატაცებაში ადანაშაულებენ და დაკავებული ჟურნალისტის გათავისუფლებას ითხოვენ • საქართველომ „სინოვაკით“ ვაქცინაცია დაიწყო - პრეპარატი მსოფლიოს 30-მდე ქვეყანაში გამოიყენება და სპეციალისტთა განმარტებით, ვირუსისგან 80%-ით გვიცავს. მარაგების შევსება და მასობრივ იმუნიზაციაზე გადასვლა მომავალი თვიდან იგეგმება • პარლამენტში ამნისტიის კანონპროექტის განხილვას ხმაური მოჰყვა - საკომიტეტო მოსმენაზე ოპოზიციის შეთავაზებული დოკუმენტი ჩავარდა. შეთანხმების ხელმომწერი პარტიები სამართალდამცველთა ამნისტირების ფორმას აპროტესტებენ ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.