Fest i Nova 2015 G-15

16 სექტემბერს, არტ-ვილა გარიყულაში ძმებ ზდანევიჩების სახელობის თანამედროვე ხელოვნების მე-7 საერთაშორისო ფესტივალთან - ფესტინოვა G-15-თან დაკავშირებით პრესკონფერენცია გაიმართა. ღონისძიებას საქართველოს კულტურისა და ძეგლთა დაცვის მინისტრის მოადგილე კახი კანდელაკი, ფესტივალის დამფუძნებელი და დირექტორი ყარამან ქუთათელაძე, არტ-ვილა გარიყულას პროექტების ხელმძღვანელი მაია ჩიკვაიძე, საზოგადოებასთან ურთიერთობის მენეჯერი თამარ მარგველაშვილი და ფესტივალში მონაწილე ხელოვანები გაუძღვნენ. წლევანდელი ფესტივალი თანამედროვე ხელოვნების რეგიონული ცენტრის - არტ ვილა გარიყულას დაარსებიდან მეთხუთმეტე წლისთავს ეძღვნება. საიუბილეო ფესტივალის თემაა G-15 - გადატვირთვის ფიზიკური ფენომენის მეტაფორა, რომელიც არტ-ვილას განვლილ ისტორიას ასახავს. წლევანდელმა ფესტივალმა ქართველებთან ერთად, მსოფლიოს ათი ქვეყნიდან ჩამოსული ხელოვანები გააერთიანა: აშშ, საფრანგეთი, ჰოლანდია, დიდი ბრიტანეთი, უკრაინა, ლიტვა, ლატვია, რუსეთი, აზერბაიჯანი, ირანი. სამოცდაათკაციანი საერთაშორისო არტისტული კომუნა, უკვე თვეზე მეტია, ფესტივალისთვის ემზადება და არტ-ვილა გარიყულაში, თანამედროვე ხელოვნების სხვადასხვა ფორმატში ქმნის ნამუშევრებს. http://www.culture.gov.ge/ http://www.facebook.com/culturegovge http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045