„ამნესთი ინთერნეიშენალის“ მოწოდება

„ამნესთი ინთერნეიშენალი“ თბილისში დემონსტრაციაზე პოლიციის მიერ ძალის გამოყენებასთან დაკავშირებით, დროული და დამოუკიდებელი გამოძიების ჩატარებას ითხოვს. ამის შესახებ განცხადება საერთაშორისო უფლებადამცველი ორგანიზაციის ოფიციალურ ვებგვერდზე განთავსდა. განცხადებაში სამხრეთ კავკასიის ოფისის ხელმძღვანელის სიტყვებია მოყვანილი, რომელიც განვითარებულ მოვლენებს პირადად ადევნებდა თვალს. ლევან ასათიანის განმარტებით, თვითმხილველები ჰყვებიან, რომ პოლიცია ხალხის მიმართულებით რეზინის ტყვიებს განურჩევლად ისროდა. უწესრიგო სროლის შესახებ ცნობებს ადასტურებს ვიდეომასალებიც. სამხრეთ კავკასიის ოფისის ხელმძღვანელის თქმით, პოლიციის აღნიშნული ქმედების შედეგად, ბევრი ადამიანი დაშავდა. მათ შორის 31 ჟურნალისტია. ორგანიზაციის სამხრეთ კავკასიის ოფისის ხელმძღვანელი მომავალში მოსალოდნელ დემონსტრაციებთან დაკავშირებით, პოლიციას მოუწოდებს, პატივი სცეს შეკრების თავისუფლებას. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.